Ermənistanın yüksək texnologiyalar sənayesi naziri Mxitar Ayrapetyan “Rossiya 1” telekanalının yayımladığı “Vesti nedeli” verilişinin ölkədə bloklana biləcəyini etiraf edib.
Bir müddət əvvəl Ermənistan Xarici İşlər Nazirliyi “Vesti Nedeli”nin saylarından birində “süni şəkildə yaradılan rəvayətlərlə” bağlı Rusiya səfirinə etiraz notası verib. “Ölkəmizdə yayımlanan bütün verilişlər qanunla müəyyən edilmiş qaydada məzmuna uyğun olmalıdır, necə ki, yerli erməni kanalları bu qaydalara əməl edir. “Düşünürəm ki, burada gözləntilər (bloklama haqqında) qanuni və ədalətlidir”, – Mxitar Ayrapetyan jurnalistlərə deyib.
Xatırladaq ki, bundan əvvəl Rusiya səfiri Sergey Kopırkin Ermənistan Xarici İşlər Nazirliyinə çağırılıb. Ona “Vesti Nedeli”nin buraxılışına dair etiraz notası təqdim edilib və bu, departamentin qeyd etdiyi kimi, “Ermənistanın suverenliyi və ərazi bütövlüyünə qarşı yönəlmiş süni şəkildə yaradılan rəvayətlər” olduğunu bəyan edib. Proqramın aparıcısı və “Russia Today” media qrupunun baş direktoru Dmitri Kiselev NEWS.ru nəşrinə bildirib ki, səfirə hansı ifadəyə görə etiraz notası təqdim edildiyini bilmir.
//Samir Qurbanov, Editor.az
