Tanınmış şairə Nazilə Səfərli instaqram hesabında dünən vəfat edən aktrisa Çimnaz Sultanovaya aid səs yazısı paylaşıb.
“Cebheinfo.az” xəbər verir ki, Nazilə Səfərli paylaşımda sənət dostu ilə belə vidalaşıb:
“Səs yazısı 2021-ci ilə aiddir. Heç vaxt dərdini danışmayan qadın. Azərbaycanılara xas olmayan xarakter. Biz onu Larisa kimi sevdik. Çoxdandı əlaqəm yox idi. Pislik etməzdi. Dürüst idi. Öz aləmində xoşbəxt görünürdü, amma gör ki, necə böyük dərdi var imiş. Xahiş edirəm ölünün dalınca danışmayaq. Bacarsanız rəhmət diləyin, bacarmasanız heç nə yazmayın. Ölüm haqqdır. Doğum günü mübarək olmayan qadın… Allah rəhmət etsin”.
Qeyd edək ki, Çimnaz Sultanova yanvarın 15-də dünyasını dəyişib. Yaxınları onun bir müddətdir ki, ağır xəstəliklə mübarizə apardığını bildirib. Aktrisa bu gün Əmircanda torpağa tapşırılacaq.
“Cebheinfo.az”
