Qrenlandiyalıların yalnız 0,0001%-i ABŞ vətəndaşı olmaq istəyir...
Poliqon xəbər verir ki, bunu RİA Novosti-yə Qrenlandiya parlamentinin üzvü, ana müxalifət partiyası "Naleraka"nın lideri, adanın keçmiş xarici işlər naziri Pele Broberq deyib.
Siyasətçi vurğulayıb ki, əhalinin yalnız son dərəcə kiçik bir hissəsi ABŞ-a qoşulmağın tərəfdarıdır. Eyni zamanda, Qrenlandiyalıların 75%-i Danimarkadan müstəqillik istəyir.
Yanvarın 15-də Danimarkanın baş naziri Mette Frederiksen ABŞ-ın yeni seçilmiş prezidenti Donald Trampla telefon danışığında bildirib ki, Qrenlandiyanın müstəqilliyi məsələsini yalnız adanın sakinləri özləri həll etməlidir.
Tramp dəfələrlə bəyan edib ki, Kanada və Qrenlandiya ABŞ-ın bir hissəsi olmalıdır. Siyasətçinin sözlərinə görə, o, həmçinin Panama kanalını ABŞ-ın nəzarətinə qaytarmaq və Meksika körfəzinin adını Amerika körfəzi adlandırmaq niyyətindədir. Respublikaçının bəyanatları Panama, Kanada və Danimarka hakimiyyətlərinin kəskin reaksiyası ilə qarşılanıb.
Poliqon.info
