“Qonşularla münasibətləri inkişaf etdirmək və möhkəmləndirmək ali rəhbərin müəyyən etdiyi perspektivə əsasən onun administrasiyasının prioritet istiqamətlərindən biridir. Bu məsələ bu hökumət tərəfindən qətiyyətlə davam etdiriləcək”.
“Cebheinfo.az” IRNA-ya istinadən xəbər verir ki, bunu İran Prezidenti Məsud Pezeşkian deyib.
Məsud Pezeşkian Tacikistana yola düşməzdən əvvəl Tehranın Mehrabad hava limanında vurğulayıb ki, İranla ortaq dil və tarixə malik qonşu ölkəyə səfər zamanı su, kənd təsərrüfatı, elm, mədəniyyət sahələrində əməkdaşlığa dair birgə sənədlər imzalanması nəzərdə tutulur:
“Sənaye, ticarət, nəqliyyat və mədən sənayesi və biz bu ölkə ilə əlaqələrimizi dərinləşdirməyə çalışacağıq”.
