Gəncə Dövlət Universitetinin nəzdində Regional Kollecə yeni təyinatlar olub.
“Qafqazinfo” xəbər verir ki, Elm və Ali Təhsil üzrə Dövlət Agentliyinin 16 yanvar tarixli əmri ilə Kollecə Xudiyeva Xoşqədəm Vidadi qızı tədris işləri üzrə, Quliyev Aslan Ələddin oğlu isə tərbiyə işləri üzrə direktor müavini vəzifəsinə təyin olunub. X.Xudiyevaya həm də kollecin direktoru vəzifəsi həvalə edilib.
X. Quliyeva daha əvvəl müxtəlif regionlarda, o cümlədən Gəncə və Bakı şəhərlərində pedaqoji fəaliyyətlə məşğul olub və Təhsil İnstitutunda fəaliyyət göstərib. Aslan Quliyev Xəzər Universiteti Dünya Məktəbinin Gəncə filialında icraçı direktor, 2023-cü ildə Avropa Azərbaycan Məktəbində tədris üzrə müdir müavini kimi çalışıb.
