Münaqişə həll edildikdən sonra Britaniya Ukraynada sülhməramlılar kimi öz qoşunlarının yerləşdirilməsi məsələsini aktiv şəkildə müzakirə etməyə başlayıb. Britaniyanın baş naziri Key Starmer bu məsələni tezliklə Ukrayna prezidenti Vladimir Zelenski ilə müzakirə edə bilər.
"Yeni Azərbaycan" xəbər verir ki, bu barədə Bloomberg mənbələrə istinadən yazır.
Agentlik həmsöhbətlərinin sözlərinə istinad edərək yazır: "Böyük Britaniya hökuməti sülhməramlı qüvvələr barədə intensiv müzakirələr aparır, baxmayaraq ki, bunu açıq elan etməkdən imtina edir".
Nəşr qeyd edir ki, Britaniya qoşunlarının Ukraynaya göndərilməsi Starmer və Zelenski arasında Kiyevdə baş tutacaq qarşıdakı görüşdə danışıqların mövzularından biri ola bilər. Bu, Böyük Britaniyanın baş nazirinin vəzifəyə gəldikdən sonra Ukraynaya ilk səfəri çərçivəsində baş tutacaq.
Havar Şəfiyeva
