Gülseren Budayıcıoğlunun əsəri əsasında lentə alınan "Kral Kaybederse" serialının ilk treyleri yayımlanıb.
OLAY xəbər verir ki, baş rolda Halit Ergençin oynadığı serialın treylerində onun yeni saç düzümü diqqət çəkib. Aslıhan Gürbüz və Merve Dizdarın yer aldığı serialda Halit Ergençin yeni imici bəyənilməyib. Ergençin pariki görən sosial şəbəkə istifadəçiləri “Parik taxmaqdansa saçlı birini tapaydınız” və “Saçlar çox gülməlidir” kimi şərhlər yazıblar. Layihədə aktyor Kənan Baran adlı qəhrəmanı canlandırır.
Yağmur Taylan, Durul Taylan və Cem Toluayın rejissorluq etdiyi serialda Kənan Baran rolunda Halit Ergenç, Kənanın həyat yoldaşı Handan rolunda Aslıhan Gürbüz, Kenanın sevgilisi Fadi rolunda isə Merve Dizdar çəkilib.
Qeyd edək ki, böyük reytinqlər yığan “İstanbullu gəlin”, “Yalı çapkını”, “Masumlar apartmanı”, “Kırmızı oda” serialları da Gülseren Budayıcıoğlunun əsərləri əsasənda lentə alınıb.
