Azərbaycan Prezidenti İlham Əliyevin Davosda keçiriləcək Dünya İqtisadi Forumunda iştirakı gözlənilir.
Senzor.az bildirir ki, Azərbaycan Prezidentinin iştirakı ilə bağlı məlumat WEF-in saytında dərc olunub.
Məlumata görə, Forumda həmçinin Avropa Komissiyasının sədri Ursula fon der Leyen, Çin Baş nazirinin müavini Dinq Syueksyan, Almaniya Kansleri Olaf Şolts, Serbiya Prezidenti Aleksandr Vuçiç, Ermənistanın baş naziri Nikol Paşinyan, Ukrayna Prezidenti Volodimir Zelenski, İsrail Prezidenti İsaak Hersoq və digər dövlət və hökumət başçıları iştirak edəcəklər.
Məlumatda o da vurğulanıb ki, ABŞ-ın yeni seçilmiş Prezidenti Donald Tramp foruma videokonfrans vasitəsilə qatılacaq.
Xatırladaq ki, Dünya İqtisadi Forumu bu il yanvarın 20-dən 24-dək keçiriləcək.
