Ukrayna və Böyük Britaniya 100 illik tərəfdaşlıq müqaviləsi imzalayıb.
AzPost bildirir ki, saziş prezident Zelenski ilə Kiyevə səfərə gəlmiş Böyük Britaniyanın baş naziri Starmer arasında görüş zamanı imzalanıb.
Müqavilə çərçivəsində Böyük Britaniya Ukrayna hərbçiləri üçün təlim proqramını genişləndirəcək və uzaq mənzilli silahlar və silahların inkişafı sahəsində əməkdaşlığı inkişaf etdirəcək.
Sənəd, həmçinin səhiyyə, kənd təsərrüfatı texnologiyaları, kosmos və dronlar kimi sahələrdə elmi və texnoloji tərəfdaşlıqların inkişafı üçün ekspertləri bir araya gətirəcək. Bundan əlavə, işğal olunmuş Ukrayna ərazilərindən oğurlanmış taxılı izləmək üçün Böyük Britaniya tərəfindən hazırlanmış yeni taxıl sınağı sxemi işə salınacaq.
Sənəd həmçinin Böyük Britaniyanın Ukraynanın enerji sektorunda prioritet tərəfdaşı kimi mövqeyini möhkəmləndirir.
