Yanvarın 10-da ABŞ-ın Rusiyaya qarşı elan etdiyi yeni sanksiyalar kölgə donanmasının əhəmiyyətli hissəsini məhv etməyə yönəlib, lakin çətin ki, Rusiyanın xam neft hasil etmək qabiliyyətinə böyük təsir göstərsin.
NOCOMMENT.az xəbər verir ki, bu barədə Bloomberg məlumat yayıb.
Məqalə müəllifləri vurğulayırlar ki, son sanksiyalar Rusiya neftinin tədarükünü pozmaq üçün ən genişmiqyaslı və aqressiv cəhdlərə çevrilib.
Təxminən 160 tanker sanksiyalara məruz qalıb və dəniz yolu ilə daşınan Rusiya neftinin əsas alıcısı olan Hindistan mart ayından bu gəmiləri öz limanlarından qadağan etməyə razılaşıb.
Qeyd olunur ki, Donald Tramp sələfi Co Baydenin siyasətini davam etdirərsə, vəziyyət daha da pisləşə bilər. Bu, Rusiyanın neft ixracına ciddi təsir göstərə bilər.
Eyni zamanda, sanksiyalar Rusiyanın xam nefti nəql etmək qabiliyyətinə faktiki olaraq heç bir təsir göstərməyəcək, çünki Rusiya neft qazma bazarının böyük hissəsi artıq xarici texnologiyadan imtina edib.
