Xəbər verdiyimiz kimi, 22 dekabr 2024-cü il tarixində keçirilən Respublika fənn olimpiadalarının (RFO) rayon (şəhər) mərhələsinin nəticələri açıqlanıb.TƏHSİL.BİZ xəbər verir ki, Respublika fənn olimpiadalarının rayon (şəhər) mərhələsində Naxçıvan Muxtar Respublikasının ümumtəhsil məktəblərindən 2490 şagird iştirak edib. Bildirilib ki, onlardan 514-ü uğur qazanaraq yarımfinal mərhələsinə vəsiqə əldə edib.
Olimpiadada iştirak edən şagirdlərdən 4-ü 90 faizdən yuxarı nəticə göstərib. Ordubad rayon 1 nömrəli tam orta məktəbin şagirdi Cəfər Səfərli isə riyaziyyat fənnindən olimpiada suallarını 100 faiz cavablandırıb.
Qeyd edək ki, bu il rayon (şəhər) mərhələsində uğur qazanan şagirdlərin sayı ötən tədris ili ilə müqayisədə 157 şagird çox olub.
