Perunun şimalındakı Amazonas bölgəsində polis helikopteri eniş edərkən qəzaya uğrayıb.
Söz.az xarici KİV-ə istinadən xəbər verir ki, bu barədə ölkənin Müdafiə Nazirliyi "X" sosial şəbəkəsində məlumat yayıb.
Qəza zamanı 11 nəfər yaralanıb.
Yaralılardan 8-i polis təyyarəsi ilə, qalan 3-ü isə Peru ordusunun təyyarəsi ilə xəstəxanaya çatdırılıb.
Peru polisinin mətbuat xidmətindən bildirilib ki, qəza enişi qanunsuz mədən işçilərinə qarşı əməliyyat zamanı baş verib.
Rəsmilərin sözlərinə görə, pilotların məharəti sərnişinlərin və ekipaj üzvlərinin ciddi xəsarət almamasına imkan verib.
