Hollandiya Ukraynaya 27 milyon avro yardım edəcək. Busaat.az xəbər verir ki, bunu cümə axşamı Kiyevə işgüzar səfəri zamanı Niderlandın xarici işlər naziri Kaspar Veldkamp deyib.
“European Pravda” yazır ki, 20 milyon avro Rusiyanın hədəf aldığı hücumlar nəticəsində ciddi ziyan çəkən Ukraynanın enerji şəbəkəsini gücləndirmək üçün istifadə olunacaq. Vəsait enerji obyektlərinin təmiri və texniki xidmətinə, eləcə də elektrik enerjisinin mərkəzləşdirilməmiş istehsalına yönəldiləcək.
Hollandiya NATO-nun Ukraynaya yanacaq, dərman və qış avadanlığının daxil olduğu Kompleks Yardım Paketi çərçivəsində Kiyevə daha 7 milyon avro verəcək.
