Sonuncu dəfə Martin Skorsezenin “Dolu Ay Qatilləri” filmində çəkilən "Oskar" mükafatlı aktyor Leonardo Di Kaprio Los-Ancelesdəki yanğınlardan zərər çəkənlərə yardım üçün 1 milyon dollar bağışlayıb.
Kulis.az xəbər verir ki, onun aktyorluqla yanaşı qlobal istiləşmə və ətraf mühitin çirklənməsi ilə mübarizədə tez-tez adı hallanır.
Di Kaprio sosial şəbəkə hesabında bu barədə paylaşım edib:
"Los-Anceles meşə yanğınları şəhərimizi viran edir. 1 milyon dollar ianə etməklə mən həm fövqəladə ehtiyaclara, həm də yanğından sonrakı bərpa səylərinə dəstək verirəm".
Həmçinin, "Google" və "Youtube"un Los-Anceles bölgəsindəki xeyriyyə təşkilatlarına 15 milyon dollar yardım edəcəyi açıqlanıb. “Meta” şirkətinin rəhbəri Mark Zukerberq və həyat yoldaşı Priscilla Çan ümumilikdə 4 milyon dollar ianə edib.
