Bu gün Misli Premyer Liqasında ilin ilk oyunu keçiriləcək.
Gundem.az xəbər verir ki, XIX turun açılış görüşündə turnir cədvəlinin lideri “Qarabağ” “Şamaxı”nı qəbul edəcək. Saat 19:00-da başlayacaq qarşılaşma Tofiq Bəhramov adına Respublika Stadionunda təşkil olunacaq.
Ağdam klubu 47 xalla birinci pillədədir. Bölgə təmsilçisi isə 17 xalla 7-ci sıradadır.
Qeyd edək ki, XIX turun digər matçları yanvarın 18-19-da reallaşacaq.
