İqor adlı Ukrayna vətəndaşı iki həyat yoldaşını müharibədə itirib.
Bizim.Media xəbər verir ki, o bu barədə “Svoi” nəşrinə açıqlamasında məlumat verib.
Belə ki, əvvəllər Xersonda yaşayan İqorun evi 2022-ci ildə hücuma məruz qalıb.
Bu zaman onun həyat yoldaşı həlak olub. Daha sonra İqor Krivoy Roq şəhərinə köçüb və burada ikinci dəfə ailə həyatı qurub.
Lakin bu dəfə də ona ailə xoşbəxtliyi nəsib olmayıb. İqorun sözlərinə görə, ikinci həyat yoldaşı böyük oğlunun doğum günü üçün alış-veriş etmək məqsədilə bazara gedərkən Rusiya ordusunun atdığı ballistik raket onun maşınının yaxınlığına düşüb. Baş verən partlayış nəticəsində qadın həyatını itirib.
Qeyd edək ki, yanvarın 17-də günorta saatlarında Rusiya ordusu Krivoy Roq şəhərinə ballistik raket zərbəsi endirib. Zərbə nəticəsində 4 nəfər ölüb, 6 nəfər yaralanıb.
Bizim.Media
