Ekspertin sözlərinə görə, regionlarda turistlər üçün əyləncələr az olduğuna görə parkların olması daha vacibdir: “Paytaxtdan kənarda da böyük parkların olması zəruridir. Həmin parkda uşaq əyləncələri, müxtəlif attraksionların, idman mərkəzlərinin, restoran və kafelərin fəaliyyət göstərməsi yeni iş yerlərinin açılmasına da şərait yaradacaq. Məsələn, Nyu-Yorkun mərkəzində şəhərin üçdə biri qədər böyük bir park var və birbaşa Nyu-Yorkun nəfəs verən simvolu sayılır. Bu mənzərəyə Romada da rast gəlmək mümkündür. Bütün avropalılar Romaya gələndə mütləq həmin parkları gəzirlər. Eyni zamanda bu, Parisdə də, Avstriyada da mövcuddur. Ümumi olaraq inkişaf etmiş turizm ölkələrində bu tendensiyaya çox önəm verirlər. Azərbaycanda da müəyyən parklar var ki, ərazidə söküntü işləri aparıb onların genişləndirilməsi üçün müəyyən qədər imkanlar var. Belə davam etsə, yaxın onillikdə Azərbaycanda park mədəniyyəti dünya ölkələrinin liderlər siyahısına daxil ola bilər”.
Sevinc İbrahimzadə / Metbuat.az
