"Mançester Yunayted"in əfsanəvi futbolçusu Denis Lou dünyasını dəyişib.
İdman.biz xəbər verir ki, Şotlandiya yığmasının keçmiş hücumçu 85 yaşında olub.
Denis "qırmızı şeytanlar"ın heyətində 404 matçda 237 qol vurub. O, "Mançester Yunayted"in tarixində ən sərrast futbolçular siyahısında 3-cü pillədə yer alıb. Corc Best (2005) və Bobbi Çarltondan (2023) sonra Lou komandanın əfsanəvi üçlüyünün dünyasını dəyişən sonuncu nümayəndəsi olub.
Qeyd edək ki, Denis Lou 1964-cü ildə "Qızıl top" mükafatına layiq görülüb.
İdman.biz
