“Barselona”nın baş məşqçisi Hans-Diter Flik “Real”ın son oyununda hakimlərin işi ilə bağlı danışmaq istəməyib.
Sportinfo.az “Marca”-ya istinadən xəbər verir ki, almaniyalı çalışdırıcı heç vaxt hakimlik haqqında danışmadığını bildirib:
“Mən heç vaxt hakimlik haqqında danışmıram. Hər şeyi olduğu kimi qəbul etməlisən.
“Real”ın oyununa baxdım? Bəli. Mənə maraqlı idi, bunu inkar etməyəcəm”.
İspaniya kubokunun 1/8 final mərhələsində “kral klubu” “Selta”nı 5:2 hesabı ilə məğlub edib.
“Barselona” İspaniya çempionatının 19 turundan sonra 38 xal toplayıb və turnir cədvəlinin 3-cü pilləsində qərarlaşıb. Komanda növbəti oyunda səfərdə “Xetafe” ilə qarşılaşacaq.
