Cəlilabad rayonunda zəncirvari yol qəzası baş verib.
Bizim.Media xəbər verir ki, hadisə köhnə Ələt-Astara magistralının 147-ci kilometrində, Maşlıq kəndi yaxınlığında qeydə alınıb.
Məlumata görə, əvvəlcə Seymur Əmirovun idarə etdiyi "VAZ 2107" markalı avtomobil Azər Süleymanovun sürdüyü "Mercedes" markalı nəqliyyat vasitəsinə çırpılıb. Ardınca "Mercedes" yol kənarında dayanan "Qazel" markalı mikroavtobusa dəyib.
Qəza nəticəsində sürücülərdən biri, S. Əmirov müxtəlif bədən xəsarətləri alaraq xəstəxanaya yerləşdirilib. Hadisə ilə bağlı araşdırma aparılır.
Sabutay, Bizim.Media, Cənub bürosu
