Erməni deputatlar yaz sessiyasına fərqli himnlə başladılar - VİDEO

AzVision.az xəbər verir ki, bu barədə yerli media məlumat yayıb. Qeyd edilib ki, himni ifa etmək üçün iclas zalına xüsusi xor qrupu dəvət olunub.

Revanşistlərin parlamentdə növbəti Qarabağ təxribatı- VİDEO

Qeyd edilib ki, himninin mətninə dövlət bayrağı ilə bağlı yeni sözləri əks etdirən misra daxil edilib. Bu qərar isə hələlik rəsmi təsdiqini tapmayıb.

“Hayastan” fraksiyasından olan deputatlar Qeqam Manukyan və Artsvik Minasyan himnin ifasına qarşı çıxış ediblər.

Manukyan bəyan edib ki, yeni himn qanunvericilik səviyyəsində təsdiqlənməyincə parlamentdə ifa edilə bilməz. Onun sözlərinə görə, hansı himnin ifa olunacağına parlament sədrinin seçimləri ilə deyil, qanunla qərar verilməlidir.

Xatırladaq ki, Ermənistan himninə dəyişiklik edilməsi təşəbbüsü hakim “Mülki müqavilə” fraksiyasının deputatları tərəfindən irəli sürülüb və bu ideya baş nazir Nikol Paşinyan tərəfindən dəstəklənib.

Tural Tağıyev
AzVision.az