Sivasda oteldə partlayış olub
Sivasda Yıldız dağındakı oteldə partlayış baş verib. İdmançıların qaldığı ərazidə baş verən partlayış nəticəsində 4 nəfər yaralanıb.
Sivasda oteldə partlayış olub
Sivas Qubernatorluğundan verilən məlumata görə, səhər saat 09:20 radələrində Yıldız dağı xizək mərkəzinin aşağı mərtəbəsində qadın xizəkçilərin istirahət otağında səbəbi hələlik məlum olmayan kiçik miqyaslı partlayış baş verib.
Partlayışdan sonra hadisə yerinə tibbi qruplar göndərilib.
Partlayış nəticəsində iki xizəkçi və bir məşqçi yüngül xəsarət alıb, bir məşqçi isə ikinci dərəcəli yanıq xəsarətləri alıb. Yaralıların ölüm təhlükəsinin olmadığı bildirilib.
Yaralılar təcili tibbi yardım helikopteri və digər təcili yardım maşınları ilə şəhər mərkəzindəki xəstəxanalara çatdırılıb.
Oteldə yanğın olmayıb.
Qruplar partlayışın səbəbləri ilə bağlı araşdırmaya başlayıb.
