Andiçmə mərasimində iştirak edən ABŞ prezidenti Donald Tramp Vaşinqtondakı Capital One Stadionunda tərəfdarları qarşısında çıxış edərkən ilk doqquz sərəncamını imzalayıb. İmzalanan ilk fərmanlar arasında onun sələfi Co Bayden dövründə qəbul edilmiş 78 qərarın ləğvi, həmçinin ABŞ-ın Paris sazişindən çıxması da var.
CNN xəbər verir ki, sənədlərin təsdiqini tamamladıqdan sonra Tramp əmrləri imzaladığı bir neçə qələmi tərəfdarlarına tərəf atıb. Tədbirdən sonra o, yeni sərəncamlar imzalamaq üçün Ağ Evə yollanıb.
//Samir Qurbanov, Editor.az
