Görünür, Kremlin ABŞ-da Donald Trampın hakimiyyətə gəlişinin Rusiya üçün sərfəli olacağı haqqında ümidləri özünü doğrultmayıb.
Ağ Evə qayıdan Donald Tramp bildirib ki, yaxın gələcəkdə Putinlə görüşməyi planlaşdırır. Lakin, bununla belə, o qeyd edib ki, Putin "Rusiyanı dağıdır", sülh bağlamaq və Ukraynada müharibəni dayandırmaq istəmir.
"Düşünürəm ki, o, saziş bağlamamaqla Rusiyanı dağıdır", deyə Tramp Ağ Evdə jurnalistlərə bildirib. "Məncə, Rusiyanın böyük problemləri olacaq", deyə o, əlavə edib.
Onun sözlərinə görə, Ukrayna prezidenti Vladimir Zelenski müharibəyə son qoymaq üçün saziş bağlamağa hazırdır.
Daha sonra Tramp ABŞ-ın Ümumdünya Səhiyyə Təşkilatından (ÜST) çıxdığını açıqlayıb.
O, həmçinin qeyd edib ki, ABŞ Yaşıl Enerji layihələrindən çıxacaq.
