20 Yanvar faciəsinin 35-ci ildönümünə həsr olunmuş X “Arpaçay open” karate turniri keçirilib.
Bakı Şəhər Gənclər və İdman İdarəsi ilə Azərbaycan Karate Federasiyasının birgə təşkilatçılığı ilə Bakı İdman Sarayında keçirilən turnirdə təmsilçilərimizlə yanaşı, Türkiyə, İran, Çexiya, Gürcüstan, Qazaxıstan, Küveyt, Özbəkistan və Rusiya idmançıları da mübarizə aparıblar. Kata, kumite və komanda-kumite yarışlarında, ümumilikdə, 800-ə yaxın idmançı gücünü sınayıb.
65 idman klubunun iştirak etdiyi turnirdə ümumi nəticələrə görə, Azərbaycan təmsilçisi “Qara qaplan” qalib olub. Digər klubumuz “Qara brilyant” 2-ci, Qazaxıstanın Cambul vilayətinin idman klubu isə 3-cü yerləri tutublar.
L.QURBANOVA
XQ
