İran Hərbi Hava Qüvvələrinə məxsus təyyarə Həmədan vilayətində qəzaya uğrayıb.AFN.az İRNA-ya istinadən xəbər verir ki, təyyarənin pilotları sağ qalıb. Bu barədə əyalət qubernatorunun müavini Həmze Emrai məlumat verib.Onun sözlərinə görə, qəza vilayətin şimalında, Kabudrahang rayonunda baş verib. "Xoşbəxtlikdən hər iki pilot qəzadan əvvəl katapult edə biliblər", - deyə qubernator müavini əlavə edib. Təyyarənin növü və markası haqda məlumat verilməyib.Agentliyin digər mənbəsi bildirib ki, hər iki pilot yüngül xəsarətlərlə xəstəxanaya aparılıb.
