Almaniyanın cənubundakı Bavariya əyalətinin Asçaffenburq şəhərindəki parkda bıçaqlı hücum baş verib. AFN.az "Bild"ə istinadən xəbər verir ki, hadisə nəticəsində biri uşaq olmaqla azı iki nəfər ölüb. İlkin məlumatlara görə, yerli vaxtla saat 11:45-də reallaşan hücum zamanı bir neçə nəfər bıçaq xəsarətləri alıb. Polis sözçüsü üç böyük və bir uşağın hücuma məruz qaldığını bildirib. Daha sonra hadisə nəticəsində iki nəfərin öldüyü təsdiqlənib. Bu, 41 yaşlı kişi və iki yaşlı uşaqdır. Bundan əlavə, polisin məlumatına görə, xəstəxanada iki ağır yaralı var."Bild" xəbər verir ki, şübhəli şəxs saxlanılıb. O, 28 yaşlı əfqandır. Hadisənin baş vermə şəraiti hələ müəyyən edilməyib.2024-cü ilin noyabrında polis parkın bir hissəsini təhlükəli ərazi kimi təsnif edib. Parkda hər an növbətçi hüquq-mühafizə orqanlarının əməkdaşları var.
