Bakı, 22 yanvar, AZƏRTAC
Kişi voleybolçuların Yüksək Liqasında VII turun oyunları keçirilib.
AZƏRTAC xəbər verir ki, günün ilk qarşılaşmasında “Xilasedici” klubu Fövqəladə Hallar Nazirliyinin idman zalında “Neftçi” ilə üz-üzə gəlib. Oyun “Xilasedici” komandasının 3:0 hesablı qələbəsi ilə başa çatıb.
Turun daha bir oyunu isə Sumqayıt OİK-də “Gənclər” və MOİK komandaları arasında olub. Görüşün qalibi taybrekdə müəyyən olunub. Gərgin keçən matçda MOİK 3:2 hesabı ilə qələbə qazanıb.
Qeyd edək ki, VII turun son qarşılaşması yanvarın 23-də “Azərreyl” və “Murov Az Terminal” komandaları arasında olacaq.
