Prezident Donald Trampı Pensilvaniya ştatında seçkiqabağı mitinqdə sui-qəsd cəhdi zamanı mühafizə edən Şon Kurranı ABŞ Məxfi Xidmətinin rəhbəri təyin edib.
Herbiand.az xəbər verir ki, bu barədə Tramp Truth sosial hesabında məlumat verib:
“Mən Şon Kurranı Birləşmiş Ştatların Məxfi Xidmətinin növbəti direktoru təyin etməkdən şərəf duyuram”.
Prezidentin sözlərinə görə, Kurranın hüquq-mühafizə orqanlarında 23 illik təcrübəsi var, 2001-ci ildə ABŞ Məxfi Xidmətinə qoşulub.
"O, Pensilvaniya ştatının Butler şəhərində məni sui-qəsdçinin gülləsindən xilas etmək üçün öz həyatını riskə ataraq qorxmazlığını sübut etdi. Əminəm ki, Şon Birləşmiş Ştatların Məxfi Xidmətini əvvəlkindən daha güclü edəcək”.
