Dünyanın ən böyük aysberqi ucqar Britaniya adasına doğru gedir və pinqvinləri və suitiləri riskə ata bilər.Aysberq Antarktidadan şimala, vəhşi təbiətin sığınacağı olan Britaniyanın sərt Cənubi Corciya adasına doğru gedir. Burada aysberqin parçalanması və quruya düşməsi mümkündür. Hazırda adadan cəmi 280 kilometr məsafədədir.Əvvəllər nəhəng aysberqlərin bölgəyə gəlməsi Cənubi Corciya sahillərində buzlaqlarla örtülmüş körfəzlərdə və çimərliklərdə çoxlu sayda quş və suitilərin aclıqdan ölməsinə səbəb olmuşdu.Alimlər, dənizçilər və balıqçılar peyk görüntüləri ilə bu nəhəng aysberqin hərəkətlərini yaxından izləyirlər.A23a kimi tanınan bu aysberq dünyanın ən qədim aysberqlərindən biridir. O, 1986-cı ildə Antarktidadakı Filçner Buz Şelfindən qopub, lakin dənizin dibində və illər boyu okean burulğanında ilişib qalıb.Nəhayət dekabrda burulğandan azad olub və indi son səfərinə çıxıb.Antarktidanın şimalındakı isti sular 400 metrə (1300 fut) çatan nəhəng buz qayalarını əridir və zəiflədir.Bir vaxtlar eni 3900 kvadrat kilometr olan A23a peyk görüntülərinə görə indi 3500 kvadrat kilometrə qədər kiçildiyi görünür. Bu, İngiltərədəki Kornuol qraflığının ölçüsünə bərabərdir.Böyük buz parçaları kənarlardan qoparaq suya düşür və buzlaq yavaş-yavaş parçalanır. A23a-nın nəhəng parçalara ayrılması an məsələsidir. Bu, Cənubi Corciya və Sandviç adalarını təhdid edən ilk nəhəng aysberq deyil.2004-cü ildə A38 adlı aysberq bölgəyə çatıb, pinqvin cücələri və suitilərin acından ölməsinə səbəb olub.Bu ərazi nadir kral pinqvinlərinin və milyonlarla suitilərin koloniyasının evidir.Cənubi Corciya aysberqlərin tez-tez keçdiyi ərazidir. Buna görə də, həm balıqçılıq sənayesi, həm də vəhşi təbiət üçün təsirlər gözlənilməlidir. Lakin hər ikisi dəyişikliklərə uyğunlaşmaq qabiliyyətinə malikdir. Bunu Cənubi Corciya hökumətinə məsləhət verən dəniz ekoloqu Mark Belçier deyib.Balıqçılar və dənizçilər deyirlər ki, aysberqlər artan təhlükədir.
