Volqoqrad vilayətində məktəbli avtobusu magistral yolda aşıb.
News24.az xəbər verir ki, bu barədə Rusiyanın region üzrə Daxili İşlər Nazirliyi öz Telegram kanalında məlumat yayıb.
“23 yanvar 2025-ci il, saat 14:00 radələrində Volqoqrad-Kotelnikovo-Salsk avtomobil yolunda "PAZ" markalı məktəb avtobusunun iştirakı ilə yol-nəqliyyat hadisəsi baş verib", - məlumatda deyilib.
Bildirilib ki, hadisə yerinə regional Dövlət Yol Hərəkəti Təhlükəsizliyi Müfəttişliyinin əməkdaşları, mexaniki ekspertlər, Baş İdarənin müstəntiqləri və Rusiya Daxili İşlər Nazirliyinin əməliyyat-istintaq qrupu gəlib.
Ölənlərin olub-olmadığı aydınlaşdırılır.
Faktla bağlı araşdırma davam edir.
Məryəm İlhamqızı
