1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Bu gecə İtaliyada yerli "Latsio" və İspaniyanın "Real Sosyedad" komandaları arasında keçiriləcək matçdan əvvəl azarkeşlər arasında qarşıdurmada üç nəfər xəsarət alıb.
Oxu.Az "Football Espana"ya istinadən xəbər verir ki, həmin fanatların bıçaqlandığı bildirilib. Hər iki klubun tərəfdarları arasında oyundan əvvəl əlbəyaxa dava olub. Meydan sahiblərinin 80-dən çox azarkeşi münaqişədə iştirak edib.
Bıçaqlanan şəxslərdən ikisi ağır yaralanıb. Yerli polis hazırda məsələ ilə bağlı araşdırma aparır.
Qeyd edək ki, UEFA Avropa Liqasının Liqa mərhələsinin VII turunun görüşü Bakı vaxtı ilə saat 00:00-da start götürəcək.
