"Yuventus" Fransa millisinin və PSJ-nin hücumçusu Randal Kolo Muanini sıralarına cəlb edib.
Fanat.Az xəbər verir ki, məlumatı klubun mətbuat xidməti yayıb.
26 yaşlı futbolçu mövsümün sonunadək icarə əsasında Turin təmsilçisinin formasını geyinəcək. "Ağ-qaralar" sonradan müəyyən məbləğ ödəməklə onun transfer hüquqlarına da yiyələnə biləcəklər.
Qeyd edək ki, Kolo Muani cari mövsüm Paris təmsilçisinin heyətində bütün turnirlərdə 14 matça çıxaraq 2 qol və 1 məhsuldar ötürmə ilə yadda qalıb.
