Ajans.az xəbər verir ki, yanğında yaxınlarını itirən məşhur aktrisa Zuhal Topalın sosial media paylaşımı izləyiciləri duyğulandırıb.
Türkiyəni dərindən sarsıdan yanğın faciəsindən sonra 1 günlük matəm elan olunub.
Türkiyəni yasa boğan yanğın faciəsindən sonra məşhurlar sosial mediada ard-arda başsağlığı mesajları paylaşıb.
Məşhur aktrisa Zuhal Topal, sosial media hesabından etdiyi paylaşımda qızının sinif yoldaşı və ailəsini itirdiyini bildirib.
“Nur içində yatın”
İnstagram hesabında qızı və sinif yoldaşı ilə olan fotosunu paylaşan məşhur aktrisa paylaşımında bunları qeyd edib:
“Ah, qızıl ürəkli Elifim, ah, dünyalar şirini balam; canın qardaşını, həyat dolu anan Ebru xanımı və həyatından qoparılan daha yetmiş üç canı bizdən alan məsuliyyətsiz, vicdansız, mərhəmətsiz insan cildindəki məxluqların Rəbbim həm bu dünyada, həm də axirətdə cəzalarını versin. Allahım, yaxınlarını itirən hər kəsə bu acıya dözmək gücü versin. Cənnətdə hüzurla yatın. Ey, bu faciənin məsuliyyətini bir-birinə atmağa çalışanlar, ən ağır cəzalara məhkum olunmanız ümidi ilə! Hamımızın başı sağ olsun.”
