Bu il təxminən 200 müəllimin beynəlxalq mübadilə proqramlarında iştirak etməsi planlaşdırılır.
AzEdu.az xəbər verir ki, bunu bu gün "Peşə təhsilverəni: Yeni çağırışlar və perspektivlər" mövzusunda keçirilən konfransda Peşə Təhsili üzrə Dövlət Agentliyinin direktoru Ceyhun Kərəmov deyib.
O bildirib ki, son illərdə biz yüzlərlə müəllim üçün yerli və beynəlxalq təlimlərin təşkilinə dair bir çox təşəbbüslər həyata keçirilib.
"Müəllimlərin təlimlərə cəlb edilməsi bizim əsas prioritetlərimizdən biridir. Xüsusilə, bu il təxminən 200 müəllimimizin beynəlxalq mübadilə proqramlarında iştirak etməsi planlaşdırılır. Bu bizim üçün çox vacibdir, çünki təhsilin keyfiyyətindən danışırıqsa, burada əsas aparıcı qüvvə məhz təhsilverənlərimizdir”.
