“PKK/YPG terror təşkilatının və Türkiyəni təhdid edən digər qrupların torpaqlarımızda olmasına icazə verməyəcəyik”.
Missiya.Az xəbər verir ki, bunu Suriyanın yeni hakimiyyətinin lideri Əhməd əş-Şəra “A Haber”ə müsahibəsi zamanı deyib.
Onun sözlərinə görə, terrorçu ünsürlər ölkəni tərk etməlidir.
“Suriya açıq və aydın şəkildə deyir ki, Türkiyənin sərhədlərini qorumaq üçün hər şeyi edəcəyik”, - deyə əş-Şəra vurğulayıb.
O qeyd edib ki, PKK-ya dəstək verənlərə açıq məktub göndərdik:
“Biz bütün ölkələrin köməyini istəyirik. İŞİD-lə mübarizədə Türkiyədən dəstək istəyə bilərik. Türkiyə Prezidenti Rəcəb Tayyib Ərdoğan tarix yazacaq və Suriya xalqı hər zaman türk xalqının yanında olacaq və bu dəstəyi heç vaxt unutmayacağıq”, - deyə siyasətçi əlavə edib.
Daşqın HəsənovMissiya.Az
