Tramp administrasiyası Kolumbiya, Kosta-Rika, Ekvador və Qvatemalada miqrantların ABŞ-a qanuni şəkildə daxil olmasına imkan verən immiqrasiya ofislərini bağlayır. Bu barədə CBS xəbər verir.
Siyahıda qeyd olunan ölkələrdə ABŞ-ın immiqrasiya keçid məntəqələri keçmiş prezident Co Baydenin rəhbərliyi altında yaradılıb. Onların köməyi ilə Vaşinqton miqrantlara ABŞ-ın cənub sərhədini qeyri-qanuni keçməyə alternativ təmin etməyə ümid edirdi.
"Ofislər... həmin ölkələrdə yaşayan və ya bu ölkələrdən keçən bəzi miqrantlara ABŞ-a qanuni şəkildə daxil olmaq imkanı verən proqramlar üçün müraciət etməyə icazə verdi", CBS News xəbər verir.
Tramp administrasiyası keçid məntəqələrini Vaşinqtonun immiqrasiyanı ABŞ-ın maraqlarına uyğun idarə edib-etmədiyini qiymətləndirmək üçün “daha geniş strategiya” çərçivəsində bağlamaq qərarına gəlib.
Ülviyyə, Hurriyyet.az
