1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Türkiyədə işçiləri daşıyan xidməti avtobus xəndəyə aşıb. Hadisə nəticəsində 16 nəfər xəsarət alıb.
Oxu.Az-ın "Anadolu" agentliyinə istinadla verdiyi məlumata görə, hadisə İstanbulun Tuzla rayonunda baş verib.
Hadisə yerinə cəlb olunan təcili tibbi yardım briqadaları yaralıları dərhal xəstəxanalara çatdırıblar. İlkin məlumatlara görə, yaralananlardan üçünün vəziyyəti ağırdır.
Qəza ilə bağlı istintaq başlayıb, hadisənin başvermə şəraiti və səbəbləri araşdırılır.
