Norveçin Kongsberg Maritime şirkəti İndoneziya Hərbi Dəniz Qüvvələri ilə iki KCR-70 sinifli kiçik raket gəmiləri üçün qabaqcıl hərəkətverici sistemlərin tədarükü ilə bağlı müqavilə imzalayıb.
Herbiand.az bildirir ki, aparıcı gəmi 2024-cü ilin oktyabr ayının sonunda Türkiyədəki Sefine Shipyard Gəmiqayırma Zavodunda inşa edilməyə başlayıb.
Gəmidə yüksək sürətlə işləyərkən əlavə güc təmin etmək üçün iki Promas dəyişən pərvanələr və bir Kamewa su reaktivini birləşdirən hərəkətverici sistem daxildir. Qeyd edilib ki, belə konfiqurasiya güc, sürət və manevr qabiliyyətini optimallaşdıracaq.
KCR-70 - kəşfiyyat, müşahidə, yerüstü müharibə və zenit döyüşü də daxil olmaqla, müxtəlif missiyaları yerinə yetirmək üçün nəzərdə tutulmuş 70 metr uzunluğunda sürətli hücum gəmisidir.
Bəxtiyar CƏFƏRLİ
