“Avrasiyada bütün dünyada sabitliyi təmin etməyə imkan verəcək yeni təhlükəsizlik arxitekturası formalaşır”.
Missiya.Az xəbər verir ki, bu barədə Rusiya Xarici Kəşfiyyat Xidmətinin direktoru Sergey Narışkin “RİA Novosti”yə müsahibəsi zamanı məlumat verib.
“Qərb bloku artıq yeganə güc mərkəzi deyil. Çin var, Hindistan var, Rusiya var, ərəb dövlətlərinin və digər qüvvələrin kifayət qədər güclü ittifaqı var və ümumilikdə Avrasiyada sabitliyi təmin edə biləcək yeni təhlükəsizlik arxitekturası formalaşır”, - deyə siyasətçi vurğulayıb.
Onun sözlərinə görə, yeni dünya nizamının formalaşması prosesi həmişə mürəkkəb, uzun və müəyyən riskləri ehtiva edir.
“Amma dövlətimizin təhlükəsizliyini və ölkəmizin gələcəyini təmin etmək maraqlarından çıxış edərək, seçdiyimiz yolla getməliyik”, - deyə Narışkin əlavə edib.
Daşqın HəsənovMissiya.Az
