“Real” hücumçusu Vinisius Juniorun transferi ilə bağlı təklif alıb.
Sportinfo.az “El Desmarque”-yə istinadən xəbər verir ki, Səudiyyə Ərəbistanının “Əl-Əhli” klubu Vinisius üçün 350 milyon avro təklif edib.
Lakin “kral klubu” bu təklifi qəbul etməyəcək.
24 yaşlı Vinisiusun mövcud müqaviləsində 1 milyard avro məbləğində sərbəst qalma maddəsi var. Onun klubla müqaviləsi 2027-ci ilin ortasına qədər nəzərdə tutulub.
Braziliyalı futbolçu cari mövsümdə 26 rəsmi oyunda iştirak edib və 16 qol, 10 ötürmə ilə yadda qalıb.
