ABŞ-nin keçmiş prezidenti Barak Obamanın Hollivud ulduzu ilə eşq yaşadığı iddia edilir.
Demokratikmusavat.com xarici KİV-ə istinadla xəbər verir ki, buna səbəb Obamanın son vaxtlar ictimaiyyət içərisində tək görünməsidir.
Belə ki, bu yaxınlarda Obama Vaşinqtonda lüks “Osteria Mozza” restoranında görüntülənib.
Həyat yoldaşı Mişel Obamanın son vaxtlar mühüm tədbirlərdə iştirak etməməsi cütlüyün münasibəti ilə bağlı müxtəlif şayiələrə səbəb olub.
Bundan əlavə, Mişel Obamanın Donald Trampın andiçmə mərasimində və sabiq ABŞ prezidenti Cimmi Karterin dəfn mərasimində iştirak etməməsi də diqqət çəkib.
Mişelin Trampa münasibətinə görə mərasimə qatılmadığını deyilsə də, bəzi mənbələr cütlüyün evliliyində problemlərin olduğunu iddia edir.
Hətta son zamanlar Hollivud və Vaşinqton kulislərində Obama ilə “Friends” serialının ulduzu Cennifer Enistonun (55) yaxınlaşması ilə bağlı şayiələr dolaşır. Aktrisa isə televiziya şousunda bu iddiaları rədd edib.
Cütlüyün 32 illik evliliyi ilə bağlı söz-söhbətlərə baxmayaraq, B.Obama sosial şəbəkədə həyat yoldaşına sevgisini ifadə edib.
Billurə Yunus
