Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 20-ci turunun növbəti oyunları keçirilir.
Arena.az xəbər verir ki, ikinci oyun gününün ilk qarşılaşması Bayılda baş tutub.
Burada “Səbail” əsas rəqibi “Kəpəz”i sınağa çəkib. Autsayderlərin duelini FİFA referisi Əliyar Ağayev idarə edib.
12 xalla sonuncu pillədə yer almış “Səbail” bu turda da qalib gəlsə, əsas rəqibini geridə qoyacaqdı. Ötən tur Cavid Hüseynovla ilk Premyer Liqa qələbəsini bayram etmiş “dənizçilər”in sevinci qısa sürmüşdü. Belə ki, bir gün sonra qərb derbisində “Turan Tovuz”u məğlub etmiş “Kəpəz” yenidən “Səbail”i sonuncu pilləyə yuvarlamışdı.
Bu komandaların öz aralarındakı duelin də qalibi “Səbail” olub. Altı xallıq matçdakı məğlubiyyət Gəncə təmsilçisinin sonuncu sıraya düşməsi ilə nəticələnib.
Premyer Liqa
20-ci tur
25 yanvar
“Səbail” – “Kəpəz” 1:0
Qol: Madi Keta, 11.
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev.
VAR: Tural Qurbanov.
AVAR: Elşad Abdullayev.
Hakim-inspektor: Rəhim Həsənov.
“Bayıl Arena”, 16:00.
Səbail: 12. Əlirza Müştəbazadə, 96. İlkin Muradov, 77. Fərid Nəbiyev, 18. Süleyman Əhmədov, 20. Mert Çelik, 8. Qorka Larruçea, 3. Dmitri Litvin (k), 99. İnnosent Nşuti, 4. Marko Nikoliç, 7. Madi Keta, 14. Suleyman Alluş.
Ehtiyat oyunçular: 1. Hüseynəli Quliyev, 25. Nicat Məmmədzadə, 22. Mirabdulla Abbasov, 74. Yusif Nəbiyev, 11. Rüfət Abdullazadə, 83. Nihad Quliyev, 19. Samir Abdullayev, 16. Emin Rüstəmov, 97. Oruc Məmmədov, 88. Hacıəli Şirəliyev, 10. David Qomis, 5. Gitay Sofir.
Baş məşqçi: Cavid Hüseynov.
Kəpəz: 1. Rojerio Santos, 7. Ehtiram Şahverdiyev, 12. Turan Manafov, 70. Nicat Süleymanov, 5. Rauf Hüseynli, 26. Valdemar Almeyda, 9. Luis Paçu, 29. Dioqo Verdaska, 78. Yeqor Xvalko (k), 28. Rati Ardazişvili, 3. Mahamadu Ba.
Ehtiyat oyunçular: 22. Məmməd Hüseynov, 2. İlkin Qırtımov, 99. Əli Səmədov, 8. Elmir Tağıyev, 6. Nemət Musayev, 21. Camal Cəfərov, 17. Ümid Səmədov, 15. Cavad Kərimov, 10. Karim Lkuça, 88. Şevroni Mabatşoev.
Baş məşqçi: Azər Bağırov.
