Braziliyalı MMA döyüşçüsü Livinya Souza həbs edilib.
Demokratikmusavat.com "Report"a istinadən xəbər verir ki, 33 yaşlı idmançının həbsinə səbəb onun evində tapança, patronlar, marixuana və steroidlər aşkarlanması olub.
Souza narkotik maddələrin daşınmasında və qanunsuz silah saxlamaqda ittiham olunur.
Qeyd edək ki, 2018-2021-ci illərdə UFC-də döyüşmüş L.Souza sonuncu dəfə 2021-ci ilin oktyabrında rinqə çıxıb və hakimlərin qərarı ilə məğlub olub.
