ABŞ administrasiyası qanunsuz miqrasiyanın qarşısını almaq üçün Meksika ilə sərhəddə \"Stryker” zirehli döyüş maşınları ilə təchiz olunmuş bölmələrin yerləşdirilməsi imkanını nəzərdən keçirir.
AZXEBER.COM \"Report”a istinadən xəbər verir ki, bu barədə \"The Washington Post” nəşri məlumat yayıb.
Nəşrə görə, Amerika rəsmiləri ABŞ-Meksika sərhədinə minlərlə əlavə hərbçi, o cümlədən 20 tonluq \"Stryker” zirehli döyüş maşınları ilə təchiz edilmiş piyada qoşunları göndərməyə hazırlaşır:
\"Təsdiq olunarsa, Texas və Kaliforniya ştatlarının sərhəd bölgələrində hərbi mövcudluq əhəmiyyətli dərəcədə genişlənəcək\".
Qeyd edək ki, ABŞ administrasiyası bundan əvvəl Meksika ilə sərhədin qərb hissəsinə 1 500 hərbçi, helikopter və hərbi kəşfiyyat bölməsinin yerləşdiriləcəyini açıqlamışdı.
