19 yaşadək futzalçılardan ibarət Azərbaycan millisi bu gün Avropa çempionatının ilkin mərhələsi çərçivəsində ilk oyununu keçirib.
Fanat.Az xəbər verir ki, B qrupunda yer alan İlqar Aslanovun baş məşqçisi olduğu millimiz açılış oyununda Kosova ilə qarşılaşıb.
Hesabı rəqib açsa da, ilk hissənin tamamına 3 dəqiqə qalmış tarazlığı bərpa edən U-19 ikinci yarıda istəyinə çatıb. Üstün oyun sərgiləyən futzalçılarımız rəqibi daha 3 dəfə meydanın mərkəzinə dəvət ediblər.
Beləliklə, turnirə 4:1 hesablı qələbə ilə start verən milli bununla yeni səhifə də açmış olub. Belə ki, buna qədər xal qazana bilməyən U-19 ilk dəfə meydanı qalib tərk etməklə növbəti mərhələyə yüksəlmək şansını da xeyli artırıb.
Komandamız növbəti oyununu sabah – yanvarın 26-da San Marinoya qarşı keçirəcək. Görüş Bakı vaxtı ilə saat 21:00-da başlayacaq.
Qeyd edək ki, Kosova ilk matçında San Marinonu 7:1 hesabı ilə üstələmişdi.
Avropa çempionatı
İlkin mərhələ, B qurupu
25 yanvar
Azərbaycan – Kosovo 4:1 (1:1)
Qollar: Hüseyn Cəfərzadə, 17:39, Ədalət Ələkbərov, 22:22, 35:47, Rəvan Məsiyev, 31:34 - Valmir Musoli, 5:12.
Hakimlər: Radim Cep (Çexiya), Adam Czene-Joo (Macarıstan), Jiri Bergs (Belçika)
Hakim-inspektor: Stefan Veber (Almaniya)
UEFA nümayəndəsi: Maria Mayans (İspaniya)
Timekeeper: Laurentiu İlie (San Marino)
Serravalle. Multievent Sport Domus.
Azərbaycan: 12. Əli Həsənzadə (q), 5. Rəvan Məsiyev, 7. Ədalət Ələkbərov, 10. Nazim Hüseynov, 14. Rəvan Quliyev; 1. Hüseyn Əbdülov (q), 2. Umud Qasımov, 6. Oqtay Mahmudzadə, 8. Hüseyn Cəfərzadə, 9. Pünhan Qasımzadə (k), 11. Bəyoğlan Vəlizadə, 13. Ümüd Qəhrəmanov.
Baş məşqçi: İlqar Aslanov.
Kosovo: 1. Lorind Kadriu (q), 7. Erjon Jaşaniça (k), 8. Engjell Mehmeti, 9. Valmir Musoli, 10. Donart Sila; 12. Alton Buguyevçi (q), 3. Lis Berişa, 4. Lision Mehmeti, 5. Hasani Hisen, 6. Ermal Sadiku, 11. Fatos Musliu, 13. Yll Abazi
Baş məşqçi: Suad Keçi
