Mahirin komandası uduzdu

Almaniyanın 2-ci bundesliqasında 19-cu turun oyunları keçirilir.

"Football-plus az" xəbər verir ki, Mahir Emrelinin klubu “Nürnberq” bu gün “Şalke-04”ün qonağı olub. Matç meydan sahiblərinin 3:1 hesablı qələbəsi ilə başa çatıb.

Beləliklə, 25 xalı olan “Nürnberq” 12-ci, 24 xala malik “Şalke 04” isə 13-cü yerdədi.

Qeyd edək ki, Emreli ötən tur “Karlsrue” ilə matçda sarı vərəqə alıb. Bu, onun cari mövsümdə 5-ci sarısı olub. Cəzalı duruma düşən 27 yaşlı futbolçu “Şalke-04” ilə oyunu buraxıb.