Gürcüstan parlamentinin sədri Şalva Papuaşvili Macarıstana rəsmi səfərə yola düşüb.
Teleqraf.com-un yerli bürosu xəbər verir ki, bu barədə qanunverici orqanın mətbuat xidmətindən bildirilib.
Məlumata əsasən, səfər çərçivəsində spiker Macarıstan parlamentinin sədri Laslo Kever, baş nazir Viktor Orban və prezident Tamaş Şuyokla görüşlər keçirəcək.
Ş.Papuaşvilinin başçılıq etdiyi nümayəndə heyətinə parlamentin Xarici əlaqələr komitəsinin sədri Nikoloz Samxaradze, Avrointeqrasiya komitəsinin sədri Levan Maxaşvili, "Gürcü Arzusu" fraksiyasının sədr müavini Genrieta Tsitsava və Gürcüstan parlamentinin Macarıstan parlamenti ilə dostluq qrupunun rəhbəri, Sahəvi iqtisadiyyat və iqtisadi siyasət komitəsi sədrinin birinci müavini İrakli Mezurnişvili daxildir.
