Matçın ağır keçəcəyini təxmin edirdik. Komandamdan razı qaldım, futbolçularım istədiyim futbolu sərgiləməyə çalışdılar.
"Report"un məlumatına görə, bunu "Araz-Naxçıvan"ın baş məşqçisi Elmar Baxşıyev "Neftçi"yə 2:1 hesabı ilə qalib gəldikləri Misli Premyer Liqasının XX turunun oyunundan sonra mətbuat konfransında deyib.
Mütəxəssis növbəti qarşılaşmalara hazırlaşacaqlarını bildirib:
"Rəqibin məşqçisinin etdikləri bizə sirr qalır. Öz oyunumuzu qorumağa çalışırıq. Hesabda öndə olanda onların üzərimizə gəlməsi normaldır. Futbolda "qara zolaq" da var. Qalibiyyət əhəmiyyətli olur. Məğlubiyyətdən isə qaçmaq mümkün deyil".
