"Turan Tovuz" Misli premyer-liqasının 20-ci tur matçında "Qarabağ"ın meydanından qalib ayrıldı - 2:1.
"Football-plus.az" xəbər verir ki, "bozqurd"un baş məşqçisi Kurban Berdıyev oyunsonrası mətbuat konfransında jurnalistlərin suallarını cavabladı.
- Sonuncu ağır məğlubiyyətdən sonra belə oyun göstərdikləri üçün futbolçularıma təşəkkür edirəm. Bütün detallarda uduzduqları halda sonacan nəyisə dəyişmək uğrunda mübarizə apardılar.
- "Kəpəz"lə oyundan sonra komandada nəyi dəyişdiz ki, belə qələbə qazana bildiz?
- Çətin sualdı. Futbolçularımın hər biriylə fərdi şəkildə danışdıq. Oyuna yanaşma tərzini dəyişmək lazım idi. İnanıram ki, oyunçularım mənianlayıb. Bir də həmin oyun təkrarlanmayacaq.
- Yanaşma tərzi deyəndə nəyi nəzərdə tutursuz? Kollektiv "Kəpəz"ə yuxarıdan aşağı baxırdı?
- "Kəpəz"lə keçirdiyimiz sonuncu iki matç ən pis oyunlarımız idi. Düz vurğulayırsız. Yanaşmanı dəyişmək lazım idi ki, bunu bacardıq.
- "Qarabağ" FKSB ilə matçda üç qolu künc zərbəsindən buraxdı. Bu gün də ilk qol həmin standart vəziyyətdən sonra vuruldu. Bu, təsadüf idi?
- Həm hücum, həm də müdafiəylə bağlı standart vəziyyətlərin üzərində çalışırıq. Təəssüf ki, bəzən alınmır.
- Veysəl Rzayevin sol cinah müdafiəçisi kimi performansını necə dəyərləndirirsiz?
- O, bu gün çox yaxşı oynadı. Akademiya dönəmində həm sağ, həm də son cinah müdafiəçisi kimi çıxış edib. "Turan Tovuz"a belə futbolçular lazımdı.
- Cərimə meydançasında penaltiyə səbəb olacaq iki epizod yaşandı. Sizcə, həmin anda penalti təyin ediməliydi?
- Adətən, hakimliklərlə bağlı danışmağı xoşlamıram. Mənim olduğum mövqedən penaltiyə bənzəyirdi. Amma epizodun təkrarına baxmamışam.
- Üç oyunda "Qarabağ"a uduzmamısız. Hətta iki dəfə məğlub etmisiz. Qurban Qurbanovun zəif nöqtəsini tapmısız?
- Bu cür məşqçinin zəif nöqtəsi az olur. Deyərdim ki, Allah bizə yardım etdi. Məncə, "Qarabağ" Azərbaycan futbolunun flaqmanıdı, Qurban Qurbanov isə ən yaxşı məşqçilərindən biridi.
- "Turan Tovuz" Azərbaycanın ən güclü komandasını məğlub etdi. Sizcə, tarix yazmağa hünəriniz varmı?
- Hər şey Allahın əlindədi.
KƏNAN BAHADIR
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
